Slå den du! Rikken er 90 år og framleis aktiv i spelemannslaget

Rikken kom med i spelemannslaget tidleg på 1980-talet, og i 2002 vart han utnemnd til æresmedlem. Framleis stiller han på øving kvar onsdag, og deltek på speleoppdrag og kappleikar saman med laget. På den siste øvinga før gebursdagsfesten gjorde han eit unntak og heldt seg heime fordi han tenkte vi kanskje hadde ein slått vi trengde å øve på. Og det hadde han jo heilt rett i. Til 80-års dagen hans hadde Sigmund laga ein vals med namn Rikken som vart urframført for 10 år sidan. Den skulle vi spele når han feira 90 også, men sidan den ikkje har vore så mykje brukt trengde vi å øve. Så Rikken er like omsynsfull som alltid.