Årsmøtet vart halde i Førdehuset 12.02.2025 med 16 medlemmer til stades. Leiar Hilde var ordstyrar, og sakene vart stemt gjennom utan innvendingar.

Knut starta møtet med å spele Gamleslåtten etter Gamlehagen (Anders Haga) frå Voss. Utanom dei vanlege årsmøtesakene var det også eit kulturelt innslag v/Sigmund, som hadde funne fram nokre innspelingar frå sine største førebilete som han spelte av. Dette var Sigbjørn Bernhoft Osa med Store-Vetle-Per og Bygdatråen, Odd Bakkerud med Rotnheims-Knut og Lars Skjervheim med Sjur i Dammen. Av han sjølv fekk vi høyre ei innspeling av Knepphallingen frå Landskappleiken i Bø 1988, til stor applaus.  

Dagunn la fram valnemnda si innstilling, og denne saka vart nærmast ein kopi frå året før sidan alle som var på val tok attval. I tillegg tok ho sjølv attval i valnemnda. Årsmøtet bestemte og at Joar si rolle som leiar for danseaktiviteten skulle formaliserast.

Dei tillitsvalde for komande år er etter dette:

Styreleiar: Hilde Bjørkum, attval for eitt år.
Styremedlemer: Terje Rune Vie, attval for to år. Nils Helgheim, ikkje på val.
Vara til styret: Ine Kjøsnes Raad og Solfrid Bjørke Gjuvsland, begge attvald for eitt år.
Musikalsk leiar: Sigmund Eikås, attval for eitt år.
Musikalsk nestleiar: Knut M. Sandal, attval for eitt år.
Danseleiar: Joar Solheim, vald for eitt år.
Revisorar: Norleiv Erdal og Rune Lotsberg, begge attvald for eitt år.
Valnemnd: Dagunn Kjøsnes, attval for to år. Leon Årdal, ikkje på val.