Laurdag 30.11.2019 hadde Indre Sunnfjord Spelemannslag mykje å feire. Laget markerte femti samanhengande aktive år, og ein nytta også høvet til å gjere stas på den nye æresmedlemen i laget, Asbjørn Fonn. Asbjørn er dermed i godt selskap, men han tilfører også buketten av æresmedlemar ein ny dimensjon - felemakaren er no på plass.

Sesongopning av Eikaasgalleriet på Ålhus, strikking i Kinsarvik m.m.

Det var fullt hus og god stemning då Indre Sunnfjord Spelemannslag feira 50 år med fest på Jølster. Det var konsert og underhaldning, eit talrikt og flott publikum, fine ord og helsingar, god mat og svingande dansemusikk. Stor takk frå spelemannslaget til alle som deltok på festen, og til alle som bidrog på scena, på kjøkkenet, med kakebakst, pynting, billettsal og mykje meir.

Den årlege Viksdalsmarknaden gjekk av stabelen 9. november, og splemannslaget fekk vere med å bidra til dansemusikken. Artig å spele for eit danseglad publikum.

Vestlandskappleiken 2019 var på Nordfjordeid 18-19. oktober. Indre Sunnfjord Spelemannslag stilte mannsterke både innan spel og dans. Her kan du sjå bilete frå kappleiken.

Lagoppstilling med både spelemenn og dansarar.
I lagspel deltok vi med Knekten og Ljåslåtten og vart nr. 9.
Heile laget sytte for musikk til dansarane, som vart nr. 7 i lagdans til Reinlender etter Erling Sandal.
Sjå videoar med Irene og Leon i pardans kvalifisering, heile laget i lagdans samt lagspelet.
Opptaka er gjort av Jostedalvideo.

Førdefestivalen sitt fotoarkiv for 2019 inneheld mange bilete av ulike fotografar frå Gamlebanken sin platelanseringskonsert på Larris, Sommarnatt på Jølster og frå Den underlege draken.

Private bilete frå Jølstramuseet og Festsalen i Førdehuset.

Sjå bilete frå fine dagar med Landskappleik på Vågåmo. 

Laurdag den 15. juni 2019 deltok spelemannslaget med dansespel under Pederhusveka.